loading...
ຂປລ. ກໍາມະກອນລາວປະມານ 70 ຄົນທີ່ເຮັດວຽກຢູ່ສວນຢາງພາລາຂອງບໍລິສັດຫວຽດນາມໃນເມືອງທ່າແຕງ ແຂວງເຊກອງເກີດມີການອາການເປັນວິນຖອກທ້ອງຮຸນແຮງ ແລະ ຖືກນໍາສົ່ງໄປປິ່ນປົວຢູ່ໂຮງໝໍແຂວງດັ່ງກ່າວຢ່າງກະທັນຫັນ ພາຍຫລັງບໍລິສັດຫວຽດນາມດັ່ງກ່າວໄດ້ສັ່ງຊື້ເຂົ້າຂົວປະສົມກັບຊີ້ນເປັນກັບຈາກຮ້ານອາຫານແຫ່ງໜຶ່ງໃນແຂວງເຊກອງໃຫ້ກໍາມະກອນລາວຮັບປະທານ.
ພະແນກສາທາລະນະສຸກແຂວງເຊກອງໄດ້ມີການເປີດເຜີຍໃນວັນທີ 30 ມິຖຸນາ 2016 ນີ້ວ່າ: ລະຫວ່າງວັນທີ 22-23 ມິຖຸນາ 2016 ນີ້ ມີພະນັກງານຂອງບໍລິສັດປູກຢາງພາລາຫວຽດນາມໂທແຈ້ງເຖິງເຈົ້າໜ້າທີ່ກ່ຽວຂ້ອງທີ່ເຮັດວຽກຢູ່ໂຮງໝໍແຂວງເຊກອງວ່າມີກໍາປະມານປະມານ 70 ເປັນວິນ ແລະ ຖອກທ້ອງຢ່າງຮຸນແຮງ ສະນັ້ນ ຈຶ່ງຂໍຄວາມຊ່ວຍເຫລືອໃຫ້ມາກວດກາ ແລະ ປິ່ນປົວຂັ້ນພື້ນຖານດ່ວນ ເມື່ອເຈົ້າໜ້າທີ່ແພດ-ໝໍກ່ຽວຂ້ອງມາເຖິງສະຖານທີ່ສວນຢາງພາລາຈຶ່ງພົບວ່າ: ກໍາມະກອນເລົ່ານີ້ອາດກິນອາຫານປົນເຈືອ ຫລື ເປັນພິດ ສະນັ້ນ ຈິ່ງຕັດສິນໃຈນໍາສົ່ງໂຮງໝໍ. ເວລາຕໍ່ມາ ພະນັກງານຂອງບໍລິສັດຫວຽດນາມໄດ້ລາຍງານຕໍ່ເຈົ້າໜ້າທີ່ແພດ-ໝໍໄດ້ຮັບຊາບກ່ຽວກັບກໍລະນີທີ່ເກີດຂຶ້ນໂດຍລະບຸວ່າ: ບໍລິສັດຕົນເອງໄດ້ສັ່ງຊື້ເຂົ້າຂົວເປັນກັບຈາກຮ້ານອາຫານແຫ່ງໜຶ່ງເພື່ອແຈກຢາຍໃຫ້ກໍາມະກອນຮັບປະທານ ພາຍຫລັງຮັບປະທານສໍາເລັດໄດ້ເກີດມີອາກາດວິນຫົວ ປວດຮາກ ແລະ ຖອກທ້ອງ. ແຕ່ເຈົ້າຂອງຮ້ານອາຫານໄດ້ສາລະພາບວ່າຊີ້ນໄກ່ພັນແມ່ນນໍາເຂົ້າມາຈາກຕ່າງປະເທດແທ້ ສະນັ້ນຈິ່ງຮັບໃຊ້ຈ່າຍຄ່າເສຍຫາຍທີ່ເກີດຂຶ້ນ.
loading...
ຫລ້າສຸດ ທ່ານ ເພັດສະໝອນ ແພງສຸລິພັນ ຄະນະຫ້ອງການບໍລິຫານຂອງພະແນກສາທາລະນະສຸກ ແຂວງເຊກອງໄດ້ຢືນຢັນວ່າ: ອາຫານປະເພດເຂົ້າຂົ້ວປະສົມໃສ່ຊີ້ນໄກ່ທີ່ນໍາເອົາມາໃຫ້ກໍາມະກອນຮັບປະທານນັ້ນພົບວ່າມີສານປົນເປື້ອນຟໍມາລິນ ຫລື ເອີ້ນວ່າຢາດອງສົບຄົນຕາຍບໍ່ໃຫ້ເໜົາເປືອຍປົນເປື້ອນໃນຊີ້ນໄກ່ຈໍານວນຫລາຍ ເຊິ່ງເຮັດໃຫ້ກໍາມະກອນລາວເກີດມີອາການເຈັບຫົວ, ເປັນວິນ ແລະ ຖອກທ້ອງກະທັນຫັນ.
ທ່ານ ເພັດສະໝອນຍັງຊີ້ແຈງວ່າ: ຖ້າຄົນເຮົາກິນອາຫານທີ່ມີການປົນເປື້ອນສານຟໍມາລິນຢ່າງຕໍ່ເນື່ອງຈະເຮັດໃຫ້ເກີດເປັນມະເຮັງ, ເປັນພະຍາດຕັບ ແລະ ພະຍາດອື່ນໆ ໃນຊຸມປີຜ່ານມາເຖິງປັດຈຸບັນນີ້ ພະແນກສາທາລະນະສຸກແຂວງຂອງຕົນບໍ່ໄດ້ຖືເບົາກ່ຽວສິ່ງທີ່ເກີດຂຶ້ນ ເຊິ່ງມີການຈັດກອງປະຊຸມຢ່າງຕໍ່ເນື່ອງໂດຍຮ່ວມກັບພະແນກກະສິກໍາ ແລະ ປ່າໄມ້, ອຸດສາຫະກໍາ ແລະ ການຄ້າ ແລະ ປກສ ພາຍໃນແຂວງເພື່ອລົງເຄື່ອນໄຫວກວດກາ ແລະ ສະກັດກັ້ນການນໍາເຂົ້າອາຫານປົນເປື້ອນສານເຄມີຕ່າງໆທີ່ພວມເກີດຂຶ້ນຢ່າງແຜ່ຫລາຍ ພ້ອມດຽວກັນນັ້ນກໍໄດ້ເຜີຍແຜ່ຂໍ້ກໍານົດ ກົດລະບຽບ ແລະ ອາຫານແບບສະອາດຄວນຕ້ອງເຮັດແນວໃດ. ຜ່ານມາເຈົ້າໜ້າທີ່ພະແນກສາທາລະນະສຸກແຂວງເຊກອງກໍສາມາດກວດພົບເຫັນຜູ້ນໍາເຂົ້າອາຫານ ແລະ ຂາຍອາຫານປົນເປື້ອນສານຟໍມາລິນ (ຢາດອງສົບຄົນຕາຍ) ແລະ ສານບໍແລກ (ສານຈອດໂລຫະ). ສະນັ້ນໃຫ້ເຂົ້າໃຈວ່າ: ສານຟໍມາລິນແມ່ນຢາດອງສົບຄົນຕາຍບໍ່ໃຫ້ເໜົ່າ ແຕ່ໃນເງື່ອນໄຂເສດຖະກິດຕະຫລາດທີ່ມີການແຂ່ງຂັນໄດ້ເຮັດໃຫ້ພໍ່ຄ້າແມ່ຄ້ານໍາເອົາສານດັ່ງກ່າວມາແຊ່ໃສ່ຊີ້ນ ແລະ ຜັກເພື່ອເຮັດໃຫ້ສິ່ງເລົ່ານີ້ບໍ່ເໜົ່າ ແລະ ທົນທານ ພ້ອມດຽວກັນນີ້ ສານບໍແລກຍັງເປັນສານເຄມີປະເພດອັນຕະລາຍທີ່ສຸດທີ່ມັກໃຊ້ເຂົ້າການກໍ່ສ້າງເຊື່ອມຈອດເຫລັກ ແລະ ໂລຫະອື່ນໆໃຫ້ທົນທານບໍ່ຫັກງ່າຍ ແຕ່ພໍ່ຄ້າແມ່ຄ້າເອົາມາໃຊ້ແຊອາຫານເພື່ອເຮັດໃຫ້ຊີ້ມີສີສັນງາມດີ ແລະ ສົດຕະຫລອດເວລາ. ພາບ-ຂ່າວ: ຮັກຊາດ
loading...
ທີ່ມາ:Pathedlao Lao
EmoticonEmoticon