ຜົນຮ້າຍຂອງຢາບ້າ!!!ປະຊາຊົນບ້ານຊໍາເຄ້ຮ່ວມໃຈກັນຈັບໂຈນເມົາຢາບ້າໄດ້ທັນຄວັນ

ຜົນຮ້າຍຂອງຢາບ້າ!!!ປະຊາຊົນບ້ານຊໍາເຄ້ຮ່ວມໃຈກັນຈັບໂຈນເມົາຢາບ້າໄດ້ທັນຄວັນ

ໂຈນຫີວຢາບ້າອອກອາລະວາດປີກຮົ້ວເຂົ້າເຮືອນປະຊາຊົນຢູ່ບ້ານຊໍາເຄ້ເມືອງໄຊເສດຖາ ນະຄອນຫລວງວຽງຈັນເວລາ 3:00 ໂມງເຊົ້າຂອງວັນທີ 1 ກໍລະກົດ 2016 ແຕ່ຜີຂາຍໜ້າເພາະເຈົ້າເຮືອນໄດ້ຍິນສຽງງັດເຮືອນເພື່ອລັກເອົາຊັບ ແລະ ອອກມາພົບເຫັນໂຈນໂຕເປັນໆເກີດການປະທະກັນ. ຂະນະນັ້ນ ດ້ວຍພິດເມົາຢາບ້າ, ໂຈນໄດ້ເອົາມີດໄລ່ພັນເຈົ້າຂອງເຮືອນ ແລະ ເຈົ້າຂອງເຮືອນກໍໄດ້ແລ່ນໜີເພື່ອເອົາລອດ ພ້ອມອັດປະຕູເຮືອນໄດ້ທັນ ທັນທີທັນໃດກໍໄດ້ຮ້ອງຂໍຄວາມຊ່ວຍເຫລືອຈາກເພື່ອນບ້ານໃກ້ຄຽງ ສຸດທ້າຍຄົນຈໍານວນຫລາຍໄດ້ພາກັນປິດລ້ອມ ແລະ ເຈັບໂຈນເມົາຢາບ້ານໄດ້ 1 ຄົນ. ຫລ້າສຸດໂຈນລາຍນີ້ໄດ້ບອກເຈົ້າໜ້າທີ່ຕໍາຫລວດເຂດວ່າຄົນຮ້າຍເປັນຊາວບ້ານໂຊກຄໍາທີ່ມາເຊົ່າຫ້ອງແຖວໃນເຂດດັ່ງກ່າວ

ປັດຈຸບັນນີ້ເຈົ້າໜ້າທີ່ສືບສວນສອບສວນເພື່ອຂະຫຍາຍຜົນ ແລະ ສືບຕໍ່ຈັບກຸມອີກ 1 ຄົນທີ່ມາພ້ອມໆກັນວ່າເພື່ອນຂອງໂຈນລາຍນີ້ອາໃສ, ມີຫົວນອນປາຍທາງບ່ອນໃດ ແລະ ເປັນລູກຫລານໃຜ.

ແນວໃດກໍດີ ກໍຂໍສະແດງຄວາມຊົມເຊີຍປະຊາຊົນໃນບ້ານຊໍາເຄ້ທີ່ເປັນຫູເປັນຕາຊ່ວຍກັນ ແລະ ມີຄວາມສາມັກຄີເປັນປຶກແຜນແໜ້ນໜາຈິ່ງພ້ອມກັນຈັບໂຈນລາຍນີ້ໄດ້ທັນ ຂໍໃຫ້ສືບຕໍ່ຜັນຂະຫຍາຍຄວາມດີ ແລະ ຄວາມສາມັກຄີກັນເລື້ອຍໆໄປ. ໂດຍ: ສອດສ່ອງ